Ghazal-O-Nazam

+++++++++++++++++++++++++++++++++++++++++++++++++++++++++++++++++++

+++++++++++++++++++++++++++++++++++++++++++++++++++++++++++++++++++
چہرے پڑھتا آنکھیں لکھتا رہتا ہو۔۔

میں بھی کیسی باتیں لکھتا رہتا ہوں۔۔

سارے جسم درختوں جیسے لگتے ہیں،

اور بانہوں کو شاخیں لکھتا رہتا ہوں۔۔

مجھ کو خط لکھنے کے تیور بھول گئے،

آڑی ترچھی سطریں لکھتا رہتا ہوں۔۔

تیرے ہجر میں اور مجھے کیا کرنا ہے؟

تیرے نام کتابیں لکھتا رہتا ہوں۔۔

تیری ذُلف کے سائے دھیان میں رہتے ہیں،

میں صُبحوں کی شامیں لکھتا رہتا ہوں۔۔

اپنے پیار کی پھول مہکتی راہوں میں،

لوگوں کی دیواریں لکھتا رہتا ہوں۔۔

تجھ سے مل کر سارے دکھ دہراؤں گا،

ہجر کی ساری باتیں لکھتا رہتا ہوں۔۔

سوکھے پھول، کتابیں، زخم جدائی کے،

تیری سب سوغاتیں لکھتا رہتا ہوں۔۔

اس کی بھیگی پلکیں ہنستی رہتی ہیں،

محسن جب تک غزلیں لکھتا رہتا ہوں۔۔

____________________________________________________________

نیت شوق بھر نہ جائے کہیں

تو بھی دل سے اتر نہ جائے کہیں

آج دیکھا ہے تجھ کو دیر کے بعد

آج کا دن گزر نہ جائے کہیں

نہ ملا کر اداس لوگوں سے

حسن تیرا بکھر نہ جائے کہیں

آرزو ہے کہ تو یہاں آئے

اور پھر عمر بھر نہ جائے کہیں

جی جلاتا ہوں اور سوچتا ہوں

رائیگاں یہ ہنر نہ جائے کہیں

آئو کچھ دیر رو ہی لیں ناصر

پھر یہ دریا اتر نہ جائے کہیں

____________________________________________________________

اداس شامیں، اجاڑ رستے کبھی بلائیں تو لوٹ آنا

کسی کی آنکھوں میں رتجگوں کے عذاب آئیں تو لوٹ آنا

ابھی نئی وادیوں، نئے منظروں میں رہ لو مگر میری جاں

یہ سارے اک ایک کر کے جب تم کو چھوڑ جائے تو لوٹ آنا

جو شام ڈھلتے ہی اپنی اپنی پناہ گاہوں کو لوٹتے ہیں

اگر وہ پنچھی کبھی کوئی داستاں سنائیں تو لوٹ آنا

نئے زمانوں کا کرب اوڑھے ضعیف لمحے نڈھال یادیں

تمھارے خوابوں کے بند کمروں میں لوٹ آئیں تو لوٹ آنا

میں روز یونہی ہوا پہ لکھ لکھ کے اس کی جانب یہ بھیجتا ہوں

کہ اچھے موسم اگر پہاڑوں پہ مسکرائیں تو لوٹ آنا

اگر اندھیروں میں چھوڑ کر تم کو بھول جائیں تمھارے ساتھی

اور اپنی خاطر ہی اپنے اپنے دیے جلائیں تو لوٹ آنا

____________________________________________________________

مریدِ عشق تھے ، دل پیشوا ہمارا تھا ..

درونِ ذات تلک سلسلہ ہمارا تھا ..

ہمارے قتل میں جو ہاتھ تھا ، ہمارا تھا ..

بدن جو نہر میں پھینکا گیا ، ہمارا تھا ..

کسی نے چھیڑ دی آ کر کہانی وحشت کی ..

ہر اک زبان پہ پھر تذکرہ ہمارا تھا ..

سبھی نے مال ِغنیمت سمجھ کے بانٹی نیند ..

بچا کھچا تھا جو اک رتجگا ، ہمارا تھا ..

قبیلہ درد کا جب بن گیا تو آ خر پر ..

پکار دل کی پڑی ، دل گیا ، ہمارا تھا ..

گلی گلی میں وہ تبلیغ عشق کر تا ہے ..

گئے دنوں میں یہی مشغلہ ہمارا تھا ..

کسی نے تختِ سلیمان کر دیا دل کو ..

بسا جو آنکھ میں شہر ِ سبا ، ہمارا تھا ..

تمہاری مان کے برباد ہو گئے دونوں ..

جو کام آ نہ سکا ، مشورہ ہمارا تھا ..

ترے بہانے سہی جان تو لیا خود کو ..

کہ اپنے آپ سے کب رابطہ ہمارا تھا ..

کل آسماں نے ہتھیلی میں بھر لیا تھا جسے ..

وہ چاند چہرہ جو آدھا کُھلا ، ہمارا تھا ..

ذرا سی بات پہ جلنے لگا زمانہ 'سحَر ..

کہ سب سے طرزِ تکلُّم جدا ہمارا تھا

____________________________________________________________

جدائی دینے والے تم سے امیدِ وفا کیسی

تعلق ٹوٹ جائے جب

محبت روٹھ جائے جب

تو پھر رسم دعا کیسی

ملن کی التجا کیسی

بھنور میں ڈوبتی کشتی پہ ساحل کی تمنا کیا

اکھڑتے سانس ہوں تو زندگی کی آرزو بھی کیا

جو منزل کھو چکی ہو اسکی پھر سے جستجو بھی کیوں

رضائے دوست پر اچھا سرِ تسلیم خم کرنا

سسکنے سے یہی بہتر ہے نا امید ہی مرنا

مگر دل نے تمہیں کس واسطے سے یاد رکھا ہے

تمہیں کیوں شاعری میں آج تک آباد رکھا ہے

ابھی تک میں نے کیوں خود کو بہت برباد رکھا ہے

ہوا کے دوش ہر کیوں نغمہء فریاد رکھا ہے

جدائی دینے والے آشنائی کی قسم تم کو

تمہارے بے وفائی ، کج ادائی کی قسم تم کو

مجھے اتنا بتا دینا

وفا کی چاہتوں کی مشعلیں کس طرح بجھاتے ہیں

نشاں کیسے مٹاتے ہیں

بھلانا ہو جنہیں انکو بھلا کیسے بھلاتے ہیں

____________________________________________________________

ﻫﻤﯿﮟ ﺗﻢ ﺑﮭﻮﻝ ﺟﺎﺅ ﮔﮯ

ﻫﻤﯿﮟ ﻣﻌﻠﻮﻡ ﻫﮯ ﻟﯿﮑﻦ

ﭘﻠﭧ ﮐﺮ ﺟﺐ ﺑﮭﯽ ﺁﺅ ﮔﮯ

ﻣﺤﺒﺖ ﻣﻨﺘﻈﺮ ﻫﻮ ﮔﯽ

ﮐﺒﮭﯽ ﺑﮭﻮﻟﮯ ﺳﮯ ﻫﯽ ﻣﺠﮫ ﮐﻮ

ﺍﮔﺮ ﺗﻢ ﯾﺎﺩ ﮐﺮ ﺑﯿﭩﮭﻮ

ﻣﯿﺮﯼ ﺗﺴﺒﯿﺢ ,ﺗﻼﻭﺕ ﺍﻭﺭ ,ﻋﺒﺎﺩﺕ ﻣﻨﺘﻈﺮ ﻫﻮ ﮔﯽ,

,ﻓﻠﮏ ﮐﮯ ﭘﺎﺭ ﺟﺎ ﺍﺗﺮﻭ

ﺳﻤﻨﺪﺭ ﭘﺮ ﺟﺎ ﭨﮭﺮﻭ

ﮐﺴﯽ ﮐﮯ ﺩﺷﺖ ﭼﺎﻫﺖ ﮐﯽ

ﺍﻣﺎﻣﺖ ﻣﻨﺘﻈﺮ ﻫﻮﮔﯽ

ﻫﻤﺎﺭﯼ ﺁﺭﺯﻭ ﺟﻮ ﻫﮯ

ﺗﻤﻬﺎﺭﯼ ﺩﺳﺘﺮﺱ ﻣﯿﮟ ﻫﮯ

ﻣﻠﻮ ﻧﻪ ﺗﻢ ﻣﻠﻮ ﻟﯿﮑﻦ

ﻣﺤﺒﺖ ﻣﻨﺘﻈﺮ ﻫﻮ ﮔﯽ ............!!

____________________________________________________________
سبز مدھم روشنی میں سرخ آنچل کی دھنک

سرد کمرے میں مچلتی گرم سانسوں کی مہک

بازوؤں کے سخت حلقے میں کوئی نازک بدن

سلوٹیں ملبوس پر آنچل بھی کچھ ڈھلکا ہوا

گرمی رخسارسے دہکی ہوئی ٹھنڈی ہوا

نرم زلفوں سے ملائم انگلیوں کی چھیڑ چھاڑ

سرخ ہونٹوں پرشرارت کے کسی لمحے کا عکس

ریشمی لہجوں میں دھیرے سے کبھی چاہت کی بات

وہ دلوں کی دھڑکنوں میں گونجتی تھی ایک صدا

کانپتے ہونٹوں پرتھی اللہ سے صرف ایک دعا

کاش یہ لمحےٹھہر جائیں ، ٹھہرجائیں ، ذرا

پـرویـن شـاکـر

____________________________________________________________

کبھی یاد آؤ تو اس طرح

کہ لہو کی ساری تمازتیں

تمہیں دھوپ دھوپ سمیٹ لیں

تمہیں رنگ رنگ نکھار دیں

تمہیں حرف حرف میں سوچ لیں

تمہیں دیکھنے کا جو شوق ہو

تو دیارِ ہجر کی تیرگی کو

مژہ کی نوک سے نوچ لیں

کبھی یاد آؤ تو اس طرح

کہ دل و نظر میں اُتر سکو

کبھی حد سے حبسِ جنوں بڑ ہے

تو حواس بن کے بکھر سکو

کبھی کھِل سکو شبِ وصل میں

کبھی خونِ جگر میں سنور سکو

سرِ رہگزر جو ملو کبھی

نہ ٹھہر سکو نہ گزر سکو

مرا درد پھر سے غزل بنے

کبھی گنگناؤ تو اس طرح

مرے زخم پھر سے گلاب ہوں

کبھی مسکراؤ تو اس طرح

مری دھڑکنیں بھی لرز اٹھیں

کبھی چوٹ کھاؤ تو اس طرح

جو نہیں تو پھر بڑے شوق سے

سبھی رابطے سبھی ضابطے

کسی دھوپ چھاؤں میں توڑ دو

نہ شکستِ دل کا ستم سہو

نہ سنو کسی کا عذابِ جاں

نہ کسی سے اپنی خلش کہو

یونہی خوش پھرو، یونہی خوش رہو

نہ اُجڑ سکیں ، نہ سنور سکیں

کبھی دل دُکھاؤ تو اس طرح

نہ سمٹ سکیں ، نہ بکھر سکیں

کبھی بھول جاؤ تو اس طرح

کسی طور جاں سے گزر سکیں

کبھی یاد آؤ تو اس طرح

کبھی یاد آؤ تو اس طرح۔۔!!

____________________________________________________________

ســاون ـــ !!!

یہ جو گیلی گیلی سی شام ہے

یہ جو ہلکا ہلکا نشہ سا ہے

یہ جو سوئے سوئے سے خاب ہیں

ذرا دھیرے دھیرے انہیں جگا

میری تشنہ تشنہ سی خاہشیں

میرے بہکے بہکے سے پیار کی

یہ جو دھیمی دھیمی سی آگ ہے

اسےہولے ہولے سے چکھ ذرا

بڑی چٹخی چٹخی ہیں ساعتیں

میرا لمحہ لمحہ سنوار دے

میری پور پور کو چُوم لے

مُجھے قطرہ قطرہ سیراب کر

مُجھے پیار کر

مُجھے پیار کر

____________________________________________________________

یہی کروگے کہ اب ہم سے تم ملو گے نہیں

جو بات دل نے کہی تھی اُسے سنو گے نہیں

وہ زخم ڈھونڈ رہا تھا ہنسی لئے لب پر

ہر اک سے پوچھتا پھرتا تھا کچھ کہو گے نہیں

وہ داستاں جسے سنتے تھے روز ہنس ہنس کر

کبھی ہم سے جو سنو گے تو پھر ہنسو گے نہیں

سمجھ رہے ہو کہ کچھ بھی نہیں ہوا خالد

مگر یہ چوٹ ہے ایسی کہ تم بچو گے نہیں

____________________________________________________________

اتنے چپ چاپ کبھی رات کے تارے بھی نہ تھے

اور یوں مُہر بہ لب زخم ہمارے بھی نہ تھے

کیسی عجلت میں کیا اپنوں نے اقرارِ شکست

ہم ابھی پوری طرح جنگ تو ہارے بھی نہ تھے

شب کی تزئین کی خاطر ہمیں جانا ہی پڑا

شام کے کام ابھی ہم نے سنوارے بھی نہ تھے

کاغذی ناؤ تھی، منجدھار میں دم توڑ گئی

پاس پتوار بھی تھی، دور کنارے بھی نہ تھے

رات تھی، ریت تھی، بے نور سفر تھا، ہم تھے

سمت ناپید تھی، گردوں سے اشارے بھی نہ تھے

اُس کے پیکر کو سمجھنے میں ہوئی عمر تمام

نقش اُس کے ابھی ہم نے تو ابھارے بھی نہ تھے

کیوں زمانے نے ہدف ہم کو بنایا تھا کہ ہم

خاک زادے بھی نہ تھے، راج دُلارے بھی نہ تھے

آ گئے کرچیاں پھولوں کی لیے آج وہ پھر

ہم نے احسان ابھی اُن کے اتارے بھی نہ تھے

____________________________________________________________

وہ محبّت کہ جو انساں کو پیمبر کر دے

سانحے وہ تھے کہ پتھرا گئیں آنکھیں میری

زخم یہ ہیں تو مرے دل کو بھی پتھّر کر دے

صرف آنسو ہی اگر دستِ کرم دیتا ہے

میری اُجڑی ہوئی آنکھوں کو سمندر کر دے

مجھ کو ساقی سے گلہ ہو نہ تُنک بخشی کا

زہر بھی دے تو مرے جام کو بھر بھر کر دے

شوق اندیشوں سے پاگل ہوا جاتا ہے فراز

کاش یہ خانہ خرابی مجھے بے در کر دے

(احمد فراز)

____________________________________________________________
مرا تم درد مت بانٹو
کوئی بھی دَرد بانٹے تو
مجھے تکلیف ہوتی ہے
ستارے آ کے پلکوں پر چمکتے ہیں
یہ دھڑکن گویا کانوں میں دھڑکتی ہے
نفس میں اَن گنت چنگاریاں سی اُٹھنے لگتی ہیں
 یہ سانسیں بوجھ لگتی ہیں
فضائیں ہم کو ڈستی ہیں
مرا تم دَرد مت بانٹو
کوئی بھی دَرد بانٹے
تو مجھے تکلیف ہوتی ہے

____________________________________________________________
ﭘﮭﺮ ﯾُﻮﮞ ﻫﻮﺍ ﮐﮧ ﺩﻝ ﻣﯿﮟ ﮐﺴﯽ ﮐﻮ ﺑﺴّﺎ ﻟﯿﺎ
ﭘﮭﺮ ﯾُﻮﮞ ﻫﻮﺍ ﮐﮧ ﺧﻮﺍﺏ ﺳﺠﺎﺋﮯ ﺗﻤﺎﻡ ﻋُﻤﺮ
ﭘﮭﺮ ﯾُﻮﮞ ﻫﻮﺍ ﮐﮧ ﻧِﮑﻠﮯ ﮐﺴﯽ ﮐﯽ ﺗﻼﺵ ﻣﯿﮟ
ﭘﮭﺮ ﯾُﻮﮞ ﻫﻮﺍ ﮐﮧ ﺧﻮﺩ ﮐﻮ ﻧﮧ ﭘﺎﺋﮯ ﺗﻤﺎﻡ ﻋُﻤﺮ
ﭘﮭﺮ ﯾُﻮﮞ ﻫﻮﺍ ﮐﮧ ﺑﺎﺗﻮﮞ ﻣﯿﮟ ﻫﻢ ﺍُﺱ ﮐﯽ ﺁ ﮔﺌﮯ
ﭘﮭﺮ ﯾُﻮﮞ ﻫﻮﺍ ﮐﮧ ﺩﮬﻮﮐﮯ ﻫﯽ ﮐﮭﺎﺋﮯ ﺗﻤﺎﻡ ﻋُﻤﺮ
ﭘﮭﺮ ﯾُﻮﮞ ﻫﻮﺍ ﮐﮧ ﺩُﮐﮭﻪ ﻫﻤﯿﮟ ﻣﺤﺒﻮﺏ ﻫﻮ ﮔﺌﮯ
ﭘﮭﺮ ﯾُﻮﮞ ﻫﻮﺍ ﮐﮧ ﺩﻝ ﺳﮯ ﻟﮕﺎﺋﮯ ﺗﻤﺎﻡ ﻋُﻤﺮ
ﭘﮭﺮ ﯾُﻮﮞ ﻫﻮﺍ ﮐﮧ ﺍﻭﺭ ﮐﺴﯽ ﮐﮯ ﻧﮧ ﻫﻮ ﺳﮑﮯ
ﭘﮭﺮ ﯾُﻮﮞ ﻫﻮﺍ ﮐﮧ ﻭﻋﺪﮮ ﻧﺒﮭﺎﺋﮯ ﺗﻤﺎﻡ ﻋُﻤﺮ
ﭘﮭﺮ ﯾُﻮﮞ ﻫﻮﺍ ﮐﮧ ﺑﯿﭩﮭﻪ ﮔﺌﮯ ﺭﺍﮦ ﻣﯿﮟ ﻏﯿّﺎﺙ
ﭘﮭﺮ ﯾُﻮﮞ ﻫﻮﺍ ﮐﮧ ﻭﮦ ﺑﮭﯽ ﻧﮧ ﺁﺋﮯ ﺗﻤﺎﻡ ﻋُﻤﺮ

____________________________________________________________

کمالِ ضبط کو خود بھی تو آزماؤں گی
میں اپنے ہاتھ سےاس کی دلہن سجاؤں گی

سپرد کر کے اسے چاندنی کے ہاتھوں میں
میں اپنے گھر کے اندھیروں کو لوٹ آؤں گی

بدن کے کرب کو وہ بھی سمجھ نہ پائے گا
میں دل میں روؤں گی، آنکھوں میں مسکراؤں گی

وہ کیا گیا رفاقت کے سارے لطف گئے
میں کس سے روٹھ سکوں گی، کسے مناؤں گی

اب اُس کا فن تو کسی اور سے ہوا منسوب
میں کس کی نظم اکیلے میں گُنگناؤں گی

وہ ایک رشتہ بے نام بھی نہیں لیکن
میں اب بھی اس کے اشاروں پہ سر جھکاؤں گی

بچھا دیا تھا گلابوں کے ساتھ اپنا وجود
وہ سو کے اٹھے تو خوابوں کی راکھ اٹھاؤں گی

سماعتوں میں اب جنگلوں کی سانسیں ہیں
میں اب کبھی تری آواز سُن نہ پاؤں گی

جواز ڈھونڈ رہا تھا نئی محّبت کا
وہ کہہ رہا تھا کہ میں اُس کو بھول جاؤں گی

پروین شاکر

____________________________________________________________

کچھ کہنے کا وقت نہیں یہ ---- کچھ نہ کہو، خاموش رہو
اے لوگو خاموش رہو ----- ہاں اے لوگو ، خاموش رہو
سچ اچھا ، پر اس کے جلو میں ، زہر کا ہے اک پیالا بھی
پاگل ہو ؟ کیوں ناحق کو سقراط بنو ، خاموش رہو
حق اچھا پر اس کے لئے کوئی اور مرے تو اور اچھا
تم بھی کوئی منصور ہو جو سولی پہ چڑھو؟ خاموش رہو
ان کا یہ کہنا سورج ہی دھرتی کے پھیرے کرتا ہے
سر آنکھوں پر ، سورج ہی کو گھومنے دو ، خاموش رہو
مجلس میں کچھ حبس ہے اور زنجیر کا آہن چبھتا ہے
پھر سوچو ، ہاں پھر سوچو ، ہاں پھر سوچو ، خاموش رہو
گرم آنسو اور ٹھنڈی آہیں من میں کیا کیا موسم ہیں
اس بگیا کے بھید نہ کھولو ، سیر کرو ، خاموش رہو
آنکھیں موند منارے بیٹھو ، من کے رکھو بند کواڑ
انشا جی لو دھاگا لو اور لب سی لو، خاموش رہو
ابن انشا

____________________________________________________________

____________________________________________________________

____________________________________________________________

____________________________________________________________

____________________________________________________________

____________________________________________________________